-- Advertisements --

Lumagpas na rin ngayong araw ang bansang India sa anim na milyong mga kaso ng coronavirus.

Ang India ang pangalawang bansa sa buong mundo na may pinakamaraming nahawa sa COVID-19.

Ang Amerika ay meron ng 7.1 million na infections.

Sa nakalipas lamang na 24-oras umaabot naman sa mahigit 82,000 na mga bagong kaso ang naitala sa India.

Mahigit na rin sa 95,000 ang mga namatay sa naturang bansa.

Una rito, lumampas na rin sa isang milyong katao sa buong mundo ang namatay sa deadly virus.

Sa naturang bilang pinakamarami sa Estados Unidos na mahigit na sa 209,000 ang mga nasawi.

Ang ikalawang pinakamaraming patay sa COVID-19 ay ang Brazil na mahigit na sa 141,000.

Sa lumutang na impormasyon umaabot na ang death toll worldwide sa 1,002,666.