COVID-19 vaccination drive sa Mandaluyong bukas sa mga non-residents ng lungsod

Magsisimula na ang Mandaluyong City sa pagbakuna sa mga hindi residente ng lungsod na nais magkaroon ng proteksyon kontra COVID-19.

Sinabi ng Mandaluyong City government na sa mga interisado, maaring magparehistro muna sa www.mandaluyong.gov.ph/vaccine/.

Makakatnggap ng text o tawag ang nagparehistro mula mismo sa MANDAVAX Call Center para naman sa kanilang vaccination schedule.

Pinapaalalahanan din ng Pamahalaang Lungsod ang mga magpapabakuna na magdala ng government o anumang valid IDs sa araw nang pagpapabakuna.

Iginiit din nila na by appointment lamang ang pagpapabakuna kaya bawal ang mga walk-ins.