Matapos ipagpaliban ng ilang beses, tuloy na tuloy na ang coronation night ng Miss World Philippines.
Sinabi ni Pageant organizer at producer Arnold Vegafria na gaganapin ang coronation night sa Setyempre 19 sa SMX Olongapo City Convention Center.
Nasa 45 candidates ang magtutunggali para sa international pageants kabilang na ang Miss World, Reina Hispanoamericana, Miss Eco Philippines, Miss Eco Teen Philippines, Miss Philippines Tourism at Miss Environment International Philippines.
At kahit daw katuwang sila sa pag-promote sa turismo ng Olongapo, kailangan pa rin daw nilang sumunod sa lahat ng health protocols sa naturang siyudad.
Kung maalala noong August 2 inanunsiyo ng pageant organizers ang indefinite postponement ng coronation night matapos isailalim sa enhanced community quarantine (ECQ) sa Metro Manila mula Agosto 6 hanggang 20.
Una nang inanunsiyo na sa Agosto 8 ang coronation night sa Okada Manila matapos maipagpaliban din noong July 11 at July 25.
