Itinalaga ng Armed Forces of the Philippines bilang bagong acting commander ng Western Command (WESCOM) si Commodore Charles Merric Villanueva.
Ang WESCOM ang nakakasaklaw sa West Philippine Sea.
Pinalitan ni Villanueva si Vice Admiral Alfonso Torres Jr. matapos magretiro sa military service.
Sa change of command and retrirement ceremony sa Bonifacio Naval Station sa Taguig City, binigayang diin ni AFP chief Gen. Romeo Brawner Jr. na sa ilalim ni Vice Admiral Torres, pinalakas pa ng WESCOM ang kanilang maritime domain awareness, pinalawig pa ang kanilang operation presence sa pamamagitan ng pagdedeploy ng personnel sa detachments sa frontier islands at napanatili ang surveillance operations sa pamamagitan ng pagpapatroliya sa territorial waters at airspace ng ating bansa.
Ipnunto rin ng AFP Chief ang mahalagang papel ng WESCOM sa pagdepensa sa western frontier ng ating bansa.
Tiwala naman si Gen. Brawner na sa ilalim ng bagong liderato ng WESCOM. magpapatuloy ang misyon nito na protektahan ang territorial integrity ng bansa at isulong ang kapayapaan at katatagan sa WPS.
