Hindi kinaya ng Los Angeles Clippers ang kalabang New Orleans Pelicans nang magtapos ang score sa 112-91.
Nakapagpasok ng 21 points, 12 rebounds at seven assist ang nagbabalik na si Zion Williamson para masungkit ang bagong panalo.
Mistulang walang pantapat ang Clippers sa mala-halimaw na laro ni Zion kaya naman tinambakan sila ng husto.
Habang nabaliwala naman ang ipinuntos na 18 points, three rebounds at three assist ni Norman Powell dahil nalasap nila ang kanilang ika-apat na pagkatalo.
Sa isa pang game, naiposte naman ng Cleveland Cavaliers ang ikalima nitong panalo makaarang ilampaso ang New York Knicks, 121-108.
Bumida sa panalo ng Cavs ang bago nilang teammate na si Donovan Mitchell na nagpakawala ng 38 points. (with reports from Bombo Allaiza Eclarinal)
