Inaprubahan na ng Inter-Agency Task Force on Emerging Infectious Diseases (IATF) ang panukalang dagdagan ang ridership o mga sasakay sa mga pampublikong sasakyan sa pamamagitan ng pagbabawas sa distansya ng mga pasahero.
Sinabi ni Transportation Sec. Arthur Tugade, kailangan ng dagdagan ang carrying capacity ng mga public transport vehicles lalo na sa Metro Manila at karatig na lalawigan na papunta na sa “new normal” dahil inaasahang dadami na ang mga empleyadong magbabalik sa trabaho habang mas maraming industriya na rin ang magbabalik ng operasyon.
Simula sa Setyembre 14, magiging .75 meter na lamang ang physical o social distancing measure na ipatutupad sa mga pampublikong sakayan.
Makalipas ang dalawang linggo, magiging 0.5 na lamang hanggang 0.3 meter na susunod na dalawang linggo.
Pero mahigpit umanong ipatutupad ang mga health measures gaya ng mandatory use ng face masks at face shields sa mga pasahero.
