CAAP, nag-isyu ng Notice to Airmen kasunod nang pag-alburuto ng bulkang Bulusan

Nag-isyu ang Civil Aviation Authority of the Philippines (CAAP) ng Notice to Airmen (NOTAM) matapos ang phreatic eruption ng bulkang Bulusan.

Sa advisory, pinag-iingat ng CAAP ang mga pilotong dadaan sa Bulusan Volcano.

Ang NOTAM ay notice mula sa CAAP para alertuhin ang mga aircraft pilots dahil sa panganib sa kanilang flight route o location na posibleng maglagay sa alanganin sa seguridad ng mga eroplano.

Ayon sa CAAP, ang NOTAM ay epektibo na kaninang alas-12:21 ng hapon hanggang alas-11:00 ng umaga ngayong Lunes.

Kanina lamang nang itaas ng Philippine Institute of Volcanology and Seismology (Phivolcs) ang alert status ng Bulusan Volcano mula 0 o normal sa Alert Level 1 o low-level unrest.