Umalis ng Brazil at lumipad patungong Estados Unidos nitong Martes si Senator Flávio Bolsonaro kasunod ng kaniyang pagkatalo kay Lula da Silva sa ginanap na presidential runoff election noong Linggo.
Kumpirmadong nagtungo sa estado ng Florida ang senador kung saan agad nitong nakatagpo ang kaniyang kapatid na si Eduardo Bolsonaro.
Bago pa man ang kaniyang pagdating, inihayag ng administrasyon ni US President Donald Trump na pagbibigyan nito ang visa application ng senador at ng kaniyang buong pamilya upang makapasok sa bansa.
Mananatili namang lihim at hindi pa malinaw sa publiko ang eksaktong ruta na ginamit ni Bolsonaro sa kaniyang pag-alis mula sa teritoryo ng Brazil.
Wala rin pang opisyal na kumpirmasyon kung plano ng senador at ng kaniyang pamilya na permanenteng manirahan sa Estados Unidos kasunod ng naging resulta ng halalan.
Patuloy namang tinututukan ng mga mamamahayag at awtoridad ang mga kasunod na hakbang ng pamilya Bolsonaro ukol sa kaniyang political career at pananatili sa labas ng bansa.
