Beermen tinambakan ang NorthPort 120-100 para makapasok sa playoffs

Tinambakan ng San Miguel Beermen 120-100 ang NorthPort Batang Pier sa nagpapatuloy na 2024 PBA Philippine Cup na ginanap sa Philsport Arena sa Pasig City.

Anim na manlalaro ng Beermen ang nagtala ng double-digits na pinangunahan ni CJ Perez na mayroong 29 points.

Nagtala naman ng 15 points si Mo Tautuaa habang mayroong 14 points si Marcio Lassiter at 12 points, nine rebounds si June Mar Fajardo.

Sa pagsisimula pa lamang ng laro ay hindi na pinalamang ng Beermen ang Batang Pier.

Ito na ang pitong sunod na panalo ng Beermen kung saan wala pa silang talo at tiyak na ang kanilang pagpasok sa quarterfinals.