Beautician sa Aklan patay matapos tagain ng kasama sa inuman

KALIBO, Aklan Patay ang isang beautician matapos na tagain ito dakong alas-9:20 kagabi sa Brgy. Gibon, Nabas, Aklan.

Kinilala ni P/Staff Sgt. Melvin Alba ng Nabas Police Station ang biktimang si Ronnie Tamboon, 48, tubong lalawigan ng Mindoro.

Ang suspek naman ay nakilala na si Reymund Salvador, 33-anyos, at residente sa bayan ng Nabas.

Lumalabas sa imbestigasyon ng pulisya na mula umaga hanggang gabi nag-inuman ang dalawa kasama ang iba pa nilang barkada nang bigla na lamang tinaga ng suspek ang biktima sa leeg na naging resulta ng kanyang agarang pagkamatay.

Kaagad naman naaresto ang suspek at kasalukuyang nakakulong sa Nabas Municipal Police Station para sa karampatang disposisyon.