Patay ang apat na katao, kabilang ang suspek matapos ang naganap na pamamaril sa Dasmariñas City, Cavite .
Ayon sa Philippine National Police (PNP) na tatlo sa apat na biktima ay mga barangay offiicials ng Brgy. Salitran 3.
Naganap ang insidente habang isinasagawa ang flag-raising ceremony sa harap ng Barangay Hall ng lumapit ang 50-anyos na suspek na kinilalang si alyas “Ariel” na dating barangay tanod.
Bigla na lamang itong naglabas ng hindi malamang uri ng baril at walang habas na pinagbabaril ang mga biktima.
Kinilala ang mga nasawing biktima na si Barangay Chairman Raul Atarde Ballos, 56-anyos, mga barangay kagawad na sina Jose Lagones, 65-anyos at Marvin Canete.
Sugatan naman matapos tamaan din ang isang biktima na si Christine Joseph Bonus isang ng Sangguniang Kabataan secretary.
Binaril naman ng suspek ang sarili matapos na isinagawa ang insidente.
Inaalam pa rin ng mga otoridad ang pinaka-motibo ng supsek sa nasabing pamamaril.
