NAGA CITY- Sugatan ang isang babae matapos mabangga ng van sa Gumaca, Quezon.
Kinilala ang biktima na si Alyas Gail, 20-anyos,residente ng Barangay Rosario sa nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na habang binabagtas ng suspek na kinilalang si Alyas Christian, 28-anyos, residente ng Sto. Tomas, Batangas gamit ang pinagmananehong van ang kahabaan ng Maharlika Highway Barangay Rosario Gumaca, Quezon ng iwasan nito ang bako-bakong daan na nagin dahilan upang aksidente nitong mabangga ang biktima na nakatayo sa gilid ng kalsada.
Sa inisyal na imbestigasyon ng mga otoridad, nabatid na dahil sa insidente nagtamo ng sugat sa iba’t ibang bahagi ng kanyang katawan si Alyas Gail na kaagad naman na dinala sa ospital para sa asistensiya medikal.
Sa ngayon, nagpapatuloy pa ang imbestigasyon ng mga otoridad, patungkol sa naturang insidente.
