Arjo Atayde namanhikan na sa pamilya ni Maine Mendoza

Namanhikan na ang kampo ni Arjo Atayde sa pamilya ng nobyang si Maine Mendoza.

Sa social media account ng ina ng actor na si Sylvia Sanchez ay ibinahagi nito ang mga kuhang larawan noong gabi ng pamamanhikan.

Nakasaad sa caption ang pag-iisang dibdib ng Atayde at Mendoza.

Hindi naman binanggit nito kung anong petsa ang napili nila sa kanilang pag-iisang dibdib.

Magugunitang inamin ng actress na nagsimula silang mag-date ng actor noon pang 2019.

Noong Hulyo 2022 ng inanunsiyo ng dalawa ang kanilang engagement.