Hinikayat ng Metro Pacific Tollways (MPT) ang mga motorista na magparehistro sa bagong lunsad nila na online appointments para sa pagpapakabit ng RFID (radio-frequency identification) stickers.
Ayon kay Roberto V. Bontia, MPT South President and General Manager, layunin ng Online RFID Reservation and Appointment System (ORRAS) ay upang magkaroon ng ibang option ang mga motorista at hindi na sumabak sa mahabang pila.
Tanging kailangan lang aniya para mapadikitan ng RFID ang kani-kanilang sasakyan, ay magpareserba ng slot via online kahit mapaso na ang December 1 deadline.
“The idea is to provide other options for motorists who prefer advance booking to get their RFID stickers and avoid the long queues. All they need to do is reserve their slots online even after December 1 to get their RFIDs,” ani Bontia.
Dagdag nito, “For example, you are going to Tagaytay on January 2, 2021 you can choose that day, the location and the time convenient for you, have your RFID installed and off you go.”
Nitong weekend nang ianunsyo ng Metro Pacific Tollways na hindi na kailangang mag-panic buying sa pagpapakabit ng RFID
Sa pamamagitan ng ORRAS, kukuha ng tinatawag na QR code ang kustomer para maka-book ng appointment date sa mga available installation site.
Pagkatapos ang advance registration, makakatanggap ang aplikante ng email QR Code confirmation ng pinili nitong exact location, petsa, at time slot, na siyang ipapakita sa pagsipot sa appointment.
Sa ngayon, magtatayo ang Easytrip Corporation ng by appointment-only RFID sticker installation sa selected locations sa Paranaque City, Las Pinas City, Pasay City, Taguig City, Bacoor City, Binan City, Sta. Rosa City, at Valenzuela City.
Partikular dito ang:
Cavitex Paranaque Plaza Northbound
Cavitex Paranaque Plaza Southbound
C5 South Link Westbound
CALAX Greenfield (Mamplasan)
Shell Pamplona, Alabang-Zapote Rd., Las Pinas City
Shell Panapaan, Bacoor, Cavite (in front of Puregold Bacoor)•
Shell Real 2, Aguinaldo Highway, Imus, Cavite (near Maynilad – Welcome to Imus Arch)
NLEX Drive and Dine, Canumay West, Valenzuela CityMore online
Target namang madagdagan ang mga appointment-only locations sa mga susunod na buwan.
