Aprubado na sa makapangyarihang Commission on Appointments (CA) ang ad interim appointment ni Jose Ramon Pangilinan Aliling bilang kalihim ng Department of Human Settlements and Urban Development (DHSUD) at Ma. Theresa Parreño Lazaro bilang kalihim ng Department of Foreign Affairs.
Natalaga si Aliling at Lazaro matapos ang balasahan sa gabinete ng administrasyong Marcos.
Kinumpirma naman ni Senador Joel Villanueva na maituturing nang bypassed ang pagkakatalaga ng mga appointees na hindi naaprubahan hanggang ngayong araw.
Dahil dito, kinakailangan na i-appoint sial muli ni Pangulong Ferdinand Marcos Jr.
Kabilang sa mga hindi nakalusot ay sina Presidential Communications Office (PCO) Secretary Jay Ruiz, Department of Information and Communications Technology (DICT) Secretary Henry Aguda at Philippine Space Agency Director-General Joel Joseph Marciano.
