Actor Tom Hollander nakatanggap ng tseke na para sana sa Spider-man actor na si Tom Holland

Ibinunyag ng Hollywood actor na si Tom Hollander na nakatanggap ito ng tseke na para sa kapangalan niyang actor na si Tom Holland.

Sinabi nito na nasa iisang agents lamang sila kay maaaring nalito ang accounting department nila.

Nadiskubre lamang nito ang insidente habang nanonood ito sa sinehan kasama ang mga kaibigan ng makatanggap ito ng 30,000 pounds.

Dahil sa pagkagulat sa halaga ay agad nitong sinuri mabuti ang tseke at lumaba na ito ay bonus sa Avengers movie.

Sinabi pa ng 56-anyos na actor na lagi na lamang siyang pinagkakamalang siya ang Spider-Man actor subalit laging sinasabi nito na hindi naman siya gaanong kasikat.