Kinumpirma ni Gilas Pilipinas head coach Tim Cone na maagang makakasama nila si Kai Sotto sa ensayo para sa fifth window ng FIBA World Cup 2027 Asian Qualifiers.
Ayon kay Cone na kasama nilang babiyahe sa Seremban, Malaysia si Sotto sa darating na Nobyembre 21.
Natuldukan na kasi ang pagdududa ng marami na hindi makakasama si Sotto dahil sa kaniyang injury matapos na inanunsiyo ng Samahang Basketbol ng Pilipinas na kasama si Sotto sa 12-man roster ng national team.
Dagdag pa ni Cone na nakapaglaro na sa huling laban ng Japan League si Sotto at ito ay interesado na makasama sa Gilas Pilipinas.
Itinuturing kasi si Sotto ang pangunahing susi sa panalo ng Gilas sa fourth window ng FIBA World Cup Asian Qualifiers kung saan tinalo nila ang Iran at Jordan.
Sa fifth window kasi ay makakaharap ng Gilas ang Syria at Iran.
