Pinangunahan ni Golden State rookie Yaxel Lendeborg ang panalo ng Warriors kontra sa Los Angeles Clippers, sa kabila ng hindi paglalaro ng NBA superstar na si Stephen Curry.
Kumamada si Yaxel ng 37 big points mula sa 13 shots na kaniyang pinakawalan, kasama ang anim na assists. Nagawa niyang ipasok ang anim na 3-pointers at limang free throws, habang binabantayan ang perimeter.
Naging malaking tulong din ang 21 points at anim na rebounds ng guard na si De’Anthony Melton, habang ang kaniyang kapwa guard na si Brandin Podziemsky ay kumamada naman ng 17 points, walong rebounds, at walong assists.
Mabilis na nakabawi ang GS mula sa 37-29 first quarter deficit at sa pagtatapos ng 1st half, hawak na ng 2022 NBA champion ang 6-point lead.
Hindi na rin nakabawi pa ang Clippers mula rito at tuluyang natapos ang laban sa score 124-112.
Nanguna sa Clippers si dating Los Angeles Lakers forward Rui Hachimura na kumamada ng 24 points at pitong rebounds habang nalimitahan lamang sa 15 points ang batikang guard na si Darius Garland.
Ito na ang ikalimang pagkatalo ng Clippers habang ito na rin ang ikaapat na sunod na panalo ng Golden State mula sa tatlong magkakasunod na pagkatalo nito sa pagsisimula ng 2026-2027 Season.
Bukas (Nov. 3), haharapin ng Warriors ang Phoenix Suns habang haharapin din ng Clippers ang Toronto Raptors.
