Pinalawig ni Pangulong Ferdinand Marcos Jr. ang appointment nina Department of Public Works and Highways Secretary Vince Dizon at Department of Transportation Secretary Giovanni Lopez, ayon kay Executive Secretary Ralph Recto.
Sinabi ni Recto na isusumite rin sa Commission on Appointments ang kanilang mga appointment para sa confirmation sa tamang panahon.
Pinalawig din umano ang kaniyang appointment bilang Executive Secretary, na sasailalim din sa confirmation ng CA.
Lumutang ang usapin sa appointment ni Dizon matapos kuwestiyunin ni Senator Imee Marcos ang kaniyang appointment sa Senate budget briefing ng DPWH. Binanggit ni Marcos ang probisyon ng 1987 Administrative Code na nagtatakda ng isang taong limitasyon para sa temporary designation.
