Halos 8 sa 10 mga Pilipino o katumbas ng 78%, ang pabor na ibalik ang mandatory Reserved Officers’ Training Corps (ROTC) sa antas ng kolehiyo, ayon sa resulta ng survey ng Pulse Asia.
Ang survey, na isinagawa sa 1,200 respondents sa buong bansa, ay nagsiwalat din na ang pinakamataas na porsyento ng mga pabor sa mandatory training ay naitala sa Mindanao sa 92%, na sinundan ng 80% sa Visayas, 77% sa National Capital Region (NCR), at 72% sa Luzon.
Sa kabilang banda, 13% lamang ng mga respondente ang hindi sumang-ayon dito.
Habang 8% naman ang hindi masasabi kung sumasang-ayon sila o hindi.
Ang natitirang .3%, gayunpaman, ay nagsabi na wala silang sapat na kaalaman upang magbigay ng opinyon sa nasabing isyu.
Ang parehong poll ng Pulse Asia ay nagpakita din na ang pangunahing dahilan ng pagsang-ayon sa isang mandatoryong patakaran ng Reserved Officers’ Training Corps sa antas ng kolehiyo ay ang paniniwalang ito ay magtuturo sa mga kabataan ng disiplina at responsibilidad.
Ang Reserved Officers’ Training Corps o ROTC Act ay naglalayong i-institutionalize ang mandatory Basic training Program in Higher Education Institutions (HEIs) at sa Technical Vocational Institutions (TVIs).
