Naipasa ng US Senate ang $750 billion health care, tax and climate bill.
Ito ay isang makabuluhang tagumpay para kay US President Joe Biden at ng kaniyang partido.
Ang final party-line vote ay nasa 51-50 at Vice President Kamala Harris ang sumira sa tie.
Ang nasabing package ay produkto ng maingat na negosasyon at huling pagpasa nito ay magbibigay sa mga Democrats ng pagkakataon na makamit ang mga pangunahing layunin ng patakaran bago ang paparating na midterm elections.
Dapat aprubahan ng Democrat-controlled House, na inaasahang gagawa ng batas sa Biyernes, Agosto 12, ang panukalang batas bago ito mapirmahan ni Biden bilang batas.
Ang malawakang panukalang batas na pinangalanang Inflation Reduction Act — ay kumakatawan sa pinakamalaking pamumuhunan sa klima sa kasaysayan ng US at gagawa ng malalaking pagbabago sa patakaran sa kalusugan sa pamamagitan ng pagbibigay sa Medicare ng kapangyarihan sa unang pagkakataon na makipag-ayos sa mga presyo ng ilang partikular na inireresetang gamot at pagpapalawig ng expiry ng health care subsidies sa loob ng tatlong taon.
Ang batas ay magbabawas sa deficit, at mababayaran sa pamamagitan ng mga bagong buwis — kabilang ang 15% na minimum na buwis sa malalaking korporasyon at isang 1% na buwis sa mga stock buyback — at palakasin ang kakayahan ng Internal Revenue Service na mangolekta.
Ito rin ay magtataas ng higit sa $700 bilyon sa kita ng pamahalaan sa loob ng 10 taon at gagastos ng higit sa $430 bilyon upang bawasan ang mga carbon emissions at palawigin ang mga subsidy para sa health insurance sa ilalim ng Affordable Care Act at gamitin ang natitirang bahagi ng bagong kita upang bawasan ang deficit.
