2 Pinay pinatay ng asawang Amerikano sa Texas

Hawak na ng pulisya sa Texas, Estados Unidos ang Amerikanong suspek sa pagpatay sa kanyang asawang Pilipina.

Kinilala ang salarin na si Peter Nicholas III na nahaharap ngayon sa kasong murder.

Batay sa ulat ng Texas Police, wala ng malay nang kanilang matagpuan ang biktimang si Jacqueline Rose Nicholas sa loob ng isang hotel.

Ito’y matapos umanong barilin ng mister.

Sinubukan pa raw tumakas ng Amerikano pero nahuli rin ito ng pulisya.

Kung maaalala, patay din sa kamay ng kanyang asawa ang Pilipinang si Alyssa Mejia-Rogers.

Ayon sa Texas Police, natagpuan nila sa loob ng freezer ang bangkay ng Pinay.

Hindi naman na napanagot ang suspek na si Edward Rogers Jr. matapos barilin ang sarili matapos ang krimen.