Bumida ang dalawang pelikulang gawa sa Alaminos City, Pangasinan sa ginanap sa DUEMILA30 International Film Festival and Experience sa Milan, Italy noong June 09, 2023.
Ipinalabas ang short documentary na “Hijab” na direksyon ni Alisa Guiamoy ng Layag Production at ang narrative fim na “Ang kwento ni Ila” sa direksyon ni Sky Dela Cruz na ginawa sa ilalim ng Hundred Island Film Festival. Ang parehong pelikula ay locally produced ni Dr. Raquel Rarang Rivera mula sa Alaminos City National High School.
Ang nasabing film festival ay nakatuon sa pagtataguyod ng sustainable development at social inclusion sa pamamagitan ng likhang sining na pelikula at bigyan ng plataporma ang mga umuusbong na filmmaker na ipakita ang talento sa paglikha ng pelikula.
Umani naman ng pagbati mula sa mga opisyal ng lalawigan ang nasabing mga pelikula.
