12 nasawi sa pagbagsak ng eroplano sa Missouri

Hindi baba sa 12 katao ang nasawi matapos bumagsak ang isang eroplano sa Missouri, Estados Unidos, nitong Linggo.

Ayon sa Missouri State Highway Patrol, naganap ang insidente malapit sa Butler Memorial Airport sa lungsod ng Butler.

Sa paunang ulat ng mga awtoridad, wala umanong nakaligtas sa insidente. Kabilang sa mga nasawi ang 11 skydivers at ang piloto ng eroplano.

Patuloy pang iniimbestigahan ng mga awtoridad ang sanhi ng pagbagsak ng eroplano.

Ang Butler ay matatagpuan sa humigit-kumulang 60 milya sa timog ng Kansas City, Missouri.

Sa ngayon, nakikipag-ugnayan na ang mga kinauukulang ahensya sa mga pamilya ng mga biktima habang nagpapatuloy ang imbestigasyon.