1 patay, 2 sugatan sa pagbagsak ng helicopter sa Clark Freeport Zone

Patay ang isang katao habang dalawa ang sugatan sa bumagsak na helicopter sa Clark Freeport Zone sa Mabalacat, Pampanga.

Ayon kay Mayor Crisostomo Garbo nasawi ang piloto na si Diosdado Lumandan habang kinilala ang mga sugatan na sina Ivan Abiong na isang mekaniko at Rodney Esogon.

Base sa imbestigasyon ng Clark Development Corporations public safety na inayos ni Garbo ang 1973 model MD369HS helicopter at ng paliparin ni Lumandan ito ay bumagsak sa Nabcor area.

Agad na itinakbo sa pagamutan ang mga sugatang biktima habang nagsasagawa ng imbestigasyon ang mga otoridad.