Pormal ng na-iproklama bilang elected 1st District Congressman ng Zamboanga del Norte si incumbent Rep. Romeo Jalosjos Jr. ngayong araw, matapos itong maantala dahil sa isyu ng magkahawig na pangalan.
Isinagawa ang proclamation ni Romeo Jalosjos Jr., sa Comelec session hall, 8th Floor, Palacio del Gobernador Building sa Intramuros Manila.
Ang proklamasyon ay pinangasiwaan ni Atty. Very Tabangcura-Adanza, Chairman ng PBOC Zamboanga del Norte.
Una rito, naglabas ng abiso ang Comelec En Banc na kilalanin ang mga boto na nakuha ni Frederico “Kuya Jan” P. Jalosjos, Jr. na isa ding kandidato sa pagka congressman.
Batay sa Comelec Resolution, ang boto na nakuha ni Frederico na nasa 5,424 votes ay mapupunta kay Romeo “Kuya Jon” M. Jalosjos, Jr.
Si Jalosjos Jr ay nakakuha ng kabuuang 74,533 na boto laban sa kaniyang katunggali na si Roberto “Pinpin” Tan Uy, Jr. na may 69,591 votes.
” May this electoral experience be an eye-opener to everyone. Let us stop making a mockery of our electoral system. Having followed the case closely, the intent of “giving birth” to Frederico Jalosjos and eventually “baptizing” him as Jalosjos, Kuya Jan was clearly to mislead the electorate and steal votes OTES from the genuine Kuya Jon in the person of incumbent congressman Romeo Jalosjos Jr.,” pahayag ng kampo ni Cong. Jalosjos.
