-- Advertisements --
Matapos lumabas sa Philippine Area of Responsibility (PAR) ang bagyong Sarah wala na raw inaasahang papasok na bagyo sa teritoryo ng bansa sa loob ng dalawang araw.
Ayon kay DOST-Pagasa Weather Specialist Ana Clauren, wala na ring direktang epekto sa bansa partikular sa northern Luzon ang kalalabas na sama ng panahon.
Dakong alas-6:00 ng umaga nang naging tropical depression ang bagyong Sarah at naging Low Pressure Area (LPA) na lamang bago lumabas ng PAR dakong alas-8:00 ng umaga.
Pero dahil sa amihan, asahan pa rin ang mahihinang pag-ulan sa Ilocos Region, Cordillera, Cagayan Valley maging sa central Luzon.
Wala namang inaasahang pag-ulang aasahan pa sa Metro Manila.
