Suspek sa panggagahasa sa kanyang sariling anak, napatay sa drug buy-bust operation sa Lanao Del Norte

CAGAYAN DE ORO CITY – Patay ang isang rape suspect matapos umanong makipagpalitan ng putok sa mga pulis habang isinasagawa ang drug buy-bust operation sa Purok San Roque, Brgy Tenazaz, Lala, Lanao del Norte.

Kinilala ang suspek na si Ricardo Pestañas, 51, residente sa Cabasagan sa naturang bayan.

Ayon kay Lala Municipal Police Station Commander Major Jonan Bañas, na nakatunog umano si Pestañas na pulis ang kanyang ka-transaksyon kaya’t kaagad itong bumunot ng baril at nagpaputok ngunit walang tinamaan. Agad naman umanong gumanti ang mga otoridad.

Naisugod pa ito sa ospital ngunit idineklara ring dead on arrival ng mga doktor.

Ayon kay Major Bañas sariling anak pa umano ng suspek ang ginahasa nito bago mangyari ang madugong operasyon.