-- Advertisements --
Wagi ang kuponan ng Petro Gazz Angels sa laban nito kontra Akari Chargers nitong gabi ng Marso 9 sa Filoil EcoOil Centre.
Nakuha ng Petro Gazz ang pagkapanalo sa score na 25-21, 25-23, at 25-17.
Itinanghal namang Player of the Game si Brooke Van Sickle ng Petro Gazz Angels matapos itong makakuha ng 24 points mula sa 18 attacks, 2 blocks, at 4 aces.
Para kay Sickle, ang goal niya para sa conference na ito ay maging consistent lamang at lagi niya raw tatandaan na “one point at a time.”
Ito rin ang unang pagkakataon na nakalaban ni Gretchel Soltones ang dati niyang team na Petro Gazz matapos itong lumipat sa Akari bago magsimula ang 2024 All-Filipino Conference.
