VATICAN CITY- Iginiit ni Pope Leo XIV noong Linggo na ang kapakanan ng mga mamamayang Venezuelan ang dapat manaig matapos na mapatalsik ang pangulo ng bansa na si Nicolas Maduro sa isang operasyon na isinagawa ng Estodos Unidos.
Matapos ang dasal ng Angelus sa St. Peter’s Square, Sinabi ng kauna-unahang American Pope na kailangang unahin ang kapakanan ng samabayanang Venezuelan, higit sa anumang interes o konsiderasyon.
Ayon kay Pope Leo, ang paglipat ng kapangyarihan ng bansa ay dapat magbukas ng landas patungo sa pagtatapos ng karahasan at sa pagsulong sa katarungan at kapayapaan. Binigyang-diin din niya ang kahalagahan ng paggalang sa soberanya ng Venezuela, ipatupad ang umiiral na batas at Konstitusyon, at pangalagaan ang karapatang pantao at sibil ng bawat mamamayan.
Hinimok din ng Santo Papa ang magkatuwang na pagkilos upang makapagtayo ng isang mapayapa at matatag na kinabukasan para sa bansa, na may espesyal na pagtugon sa mga mahihirap na labis na naapektuhan ng matinding krisis pang-ekonomiya.
Ang pahayag ng papa ay ginawa isang araw matapos dinakip si Maduro sa Caracas ng US special forces. Kaugnay nito, sinabi ni US President Donald Trump na pamumunuan ng Washington ang Venezuela at gagamitin ang mga reserbang langis ng bansa.
