Tiniyak ngayon ng tagapangulo ng PhilHealth na kanyang bubuwagin ang umano’y “mafia” sa loob ng state-run health insurance firm.
Sinabi ni PhilHealth President Ricardo Morales na ang mga opisyal na sinasabing kabilang sa umano’y “mafia” ay na-reshuffle na at magsasagawa raw sila ng imbestigasyon dito.
Nauna nang kinilala ni PhilHealth board member Roberto Salvador ang umano’y mafia members sina PhilHealth regional vice-presidents Paolo Johan Perez (Southwestern Tagalog Region), Khaliquzzaman Macabato (Autonomous Region in Muslim Mindanao), William Chavez (Central Visayas), Dennis Adre (Zamboanga Peninsula), at Masidling Alonto Jr. (Northern Mindanao).
Kasama rin daw dito sina PhilHealth Assistant Corporate Secretary Valerie Anne Hollero, PhilHealth Caraga legal officer Jelbert Galicto, at dating Region XII vice-president Miriam Grace Pamonag.
Pero mariing itinanggi ng mga akusado ang alegasyon na ito ni Salvador.
