Nakuha ng pambato ng Peru na si Luciana Fuster ang 2023 Miss Grand International crown.
Tinalo niya ang 68 iba pang mga kandidato sa torneo na ginanap sa Phu Tho Indoor Stadium sa Ho Chi Minh City, Vietnam.
Siya ang pangalawa na taga-Peru na nagwagi ng korona na ang una ay si Maria Jose Lora noong 2017.
Papalitan niya ang nagwagi noong nakaraang taon na si Isabella Menin ng Brazil.
Naging first runner-up naman si Ni Ni Lin Eain mula sa Myanmar habang second runner-up ang sinasabing crowd favorite na si Maria Alejandra Lopez mula Colombia.
Third runner-up naman si Stephanie Miranda ng US at fourth runner-up naman ang pambato ng host country na Vietnam na si Le Hoang Phoung.
Bigo namang makapasok sa top 20 ang pambato ng bansa na si Nikki de Moura.
Sa Myanmar naman gaganapin ang nabanggit na pageant sa susunod na taon.
