Padre de pamilya sugatan matapos ang pamamaril sa Quezon; pamilya, maswerteng nakaligtas

NAGA CITY- Sugatan ang isang padre de pamilya habang maswerteng nakaligtas ang iba pang myembro ng pamilya matapos atakihin at pag babarilin sa loob ng bahay sa Sitio Loob, Brgy Bignay 1, Sariaya, Quezon.

Kinilala ang biktima na si Arniel Abdon, 39-anyos residente ng nasabing lugar.

Sa nakalap na impormasyon ng Bombo Radyo Naga sa Quezon Police Provincial Office (QPPO) napag-alaman na habang nag-uusap ang pamilya ay bigla na lamang dumating ang suspek na kinilalang si Sofio Aguado Manalo, 57-anyos at pinagbabaril ang biktima.

Nabatid na dati nang may hindi pagkakaintindihan ang biktima at suspek.

Narekober mula sa crime scene ang dalawang bala ng caliber .45 pistol.

Sa ngayon ay nasa kustodiya na ng mga otoridad ang si Manalo.