Nasa P4.6 milyong halaga ng hinihinalang marijuana ang nakumpiska ng mga tauhan ng PNP Drug Enforcement Group (PDEG) mula sa tatlong drug suspeks sa ikinasang anti-illegal drug operation sa Tarlac City, kaninang madaling araw ng Linggo.
Kinilala ni PNP Chief Gen. Debold Sinas, ang tatlong inarestong drug personalities na sina Cornelio Chumil-ang, 33; Jomar Pallar, 24-years old at Marcelino Caraowa,40-years, pawang mga residente ng Mountain Province.
Nakumpiska sa posisyon ng mga suspel ang nasa 24 na piraso na bricks ng marijuana, 26 rolled dried marijuana leaves na nagkakahalaga ng P4.6 million at 2 bote ng hinihinalang cannabis oil na nagkakahalaga ng P30,000.
Sinabi ni Sinas na bukod sa Tarlac, nagbabagsak din ang mga suspek ng iligaal na droga sa Pangasinan at Mountain Province.
“Upon further investigation, the suspectswere found out to be members of the same group arrested in Tarlac last February. The said group operates illegal drug activities sa area ng Tarlac, Pangasinan at Mountain Province,” pahayag ni Gen. Sinas.
Dinala sa Camp Gen. Francisco S. Macabulos sa Tarlac City ang mga suspek, na mahaharap sa kasong paglabag sa Republic Act 9165 o Comprehensive Dangerous Drugs Act of 2002.
“I commend the personnel in PRO3 under the leadership of BGen. Val De Leon for their accomplishment and for continuously conducting pro-active operations to wipe out all drug peddlers and have less opportunity to propagate illegal drugs in Central Luzon,” wika ni Sinas.
