P2.4M na marijuana, nasabat sa buy-bust operation sa Baguio City

Apat na pinaghihinalaang drug pusher ang inaresto matapos matagpuan ng 2.4 milyong halaga ng marijuana sa ginanapo na buy-bust operation ng Philippine Drug Enforcement Agency – Cordillera sa Baguio City.

Kinilala ang suspek na sina Chou Darwin Tauli Corpuz, Pedrito Tamocag Ayawan, Jim Ayawan at Kari del Mundo Gile. 

Ayon sa PDEA, binantayan nila nang maigi ang mga suspek bago ginawa ang buy-bust operation kung saan isang informant umano ang tumimbre sa kanila. Kabilang din ang grupo sa itinuturing na high value target group ng PDEA.

Kabilang sa nasamsam sa mga suspek ang 20 kilos na marijuana, 6,000 boodle money, apat na sakong marijuana na inihalo sa mga gulay, at iba pang mga ebidensya laban sa mga salarin.