Nagpapatuloy na gyera sa Israel, nagpapaigting ng takot sa mga residente

BOMBO DAGUPAN – Sabay sabay ang pagpapatunog ng serena, senyales ng muling pagsiklab ng pagpapasabog ng mga rocket sa Israel.

Ito ang ibinahagi ni Isaias Buada o kilala rin bilang Shay Kabayan, ang Bombo International News Correspondent mula sa Israel.

Muli na naman kasi aniyang nagpasabog ng mga bomba ang mga terorista sa iba’t ibang dako ng bansa at sinabayan pa ng Lebanon.

Sa kabila ng nararanasang gyera, patuloy pa rin naman aniya ang paggawa ng paraan ng gobyerno ng Israel upang mailagay sa ligtas ang mga residente.
Sa kasalukuyan ay sa mga hotel muna pinapatuloy ang ilan sa mga evacuees.

Sinasagot din naman aniya ng pamahalaan ng Israel ang mga pangunahing pangangailangan ng mga residente gaya ng pagkain at tubig.