Nilinaw ng Office of the Ombudsman na hindi sila nagsumite sa Kongreso ng anumang panukalang batas na mag-aamiyenda sa ilang “vague” at “contentious” provisions ng batas sa Statement of Assets, Liabilities and Networth (SALN) ng mga opisyal at empleyado ng gobyerno.
Ayon kay Ombudsman Samuel Martires, ang napabalitang “draft House bill” na umano’y kanilang isinumite ay pawang mga pinagsama-samang impormasyon na nalikom ng kanyang opisina sa kanilang ginawang pag-aaral bilang paghahanda lang din sa aktwal na pag-amiyenda sa SALN law.
Sinabi ni Martires na napakaraming contentious issues sa SALN, kabilang na ang publication provision, ang accessibility ng publiko sa naturang dokumento, ang tungkol sa wastong repository agency, period of retention, at iba pa.
Mababatid na ang paghahain ng SALN ng mga public officials at employees ay nakasaad sa ilalim ng Section 17, Article XI ng Constitution at Republic Act No. 6713, o ang Code of Conduct and Ethical Standards for Public Officials and Employees.
Kamakailan lang napabalitang nagsumite si Martires sa kamara ng proposed bill ng Office of the Ombudsman na mag-aamiyenda sa SALN law.
Isa sa mga napabalitang aamiyendahang probisyon ay ang tungkol sa pagpataw ng hanggang limang taon na pagkakakulong sa mga gagawa ng komentaryo sa SALN.
“This still pertains to the issue on the submission we made to the Office of Representative Zarate (Rep. Carlos Isagani T. Zarate). To set the record straight, what was forwarded were mere inputs on the contentious issues that we propose to be addressed when the SALN law is eventually amended. It was not a final proposed amendment, much less a complete proposed bill although entitled ‘draft House bill,’ ani Martires.
“We sent our inputs (the working draft) to the good Congressman when he asked during the budget deliberations what the office has done insofar as preparing the draft of the proposed SALN amendments is concerned,” dagdag pa niya.
