Pumanaw na si Brendan Malone, ang isa sa pinakamagaling na coach sa kasaysayan ng National Basketball Association.
Una siyang sumabak sa pagiging coach noong 1967 at na-appoint sa ibat ibang coaching position kasama ang ibat ibang mga liga, at NBA teams.
Kabilang sa mga nahawakan nito bilang assistant coach at head coach sa ilalim ng National Basketball Association ay ang New York Knicks, Detroit Pistons, Toronto Raptors, Indiana Pacers, Cleveland Cavaliers at Orlando Magic.
Ilan sa mga highlight ng kanyang karera ay ang pagiging 2x champion sa ilalim ng Detroit Pistons, bilang assistant coach ng koponan.
Agad namang naglabas ng pahayag ang kanyang pamilya ukol sa kanyang pagkamatay sa edad na 81.
Si Brendan ay ama ni Michael Malone, ang batikang head coach ng Denver Nuggets na tinanghal bilang kampeon sa 2022-2023 season ng NBA.
