Mas lumakas ang usap-usapan na makulay na muli ang buhay pag-ibig ni John Lloyd Cruz.
Ito’y matapos umanong mamataan si Lloydie kasama ang rumored o usap-usapan na girlfriend niya na ngangangalang Isabel Santos habang nasa isang beach.
Kasama sa bakasyon ang anak ng 38-year-old actor kay Ellen Adarna na si Elias.
Una nang ibinahagi ni Isabel sa kanyang Instagram stories ang mga litrato nila mula sa kanilang bonding moments nitong Lunes.
Nabatid na hindi pa nagsasalita si John Lloyd tungkol sa tunay na estado ng relasyon nila ni Isabel, bagama’t ilang beses na rin silang namataan na magkasama noong nakaraang taon.
Kabilang dito ang paniniwala ng marami ang pagpunta ni Isabel sa kahawig ng bahay ni John Lloyd sa Antipolo.
Taong 2018 nang dumating si Elias sa buhay ng dating magkasintahang Cruz at Adarna na ngayon ay nasa tinatawag na co-parenting setup.
