Nagpaliwanag ang Department of Energy (DOE) matapos umalma ang ilang kompanya ng langis sa pag-kwestyon ng ahensya sa kulang umanong rollback sa presyo ng mga produktong petrolyo ngayong linggo.
Sa isang panayam sinabi ni Oil Indsutry Management Bureau director Rino Abad na mandato ng gobyerno na maipabatid sa publiko kung may anomalya ng nagaganap sa pagitan ng oil companies.
Nabatid kasi ng DOE na kulang ng P0.22-centavos kada litro ang rollback sa presyo ng gasolina.
Gayundin sa rollback ng presyo ng diesel kada litro na kulang umano ng P0.6-centavos.
“We’re not saying they’re wrong, but we want to give them the opportunity to explain to us why it was like that,” ani Energy Asec. Leonido Pullido III.
“That’s the reason that prompted us really to ask them to explain, because it’s the first time that all of these companies’ computations did not match with ours over the last three years,” dagdag nito sa Malacanang press briefing nitong Miyerkules.
“So, if we believe that either the rollback or the increase—rollback for gasoline and diesel and increase in LPG—is unreasonable, then we will refer it to the DOE–DOJ (Department of Justice) Task Force to study the possibility of filing either administrative or criminal cases against these companies.”
Pinuna ng Independent Philippine Petroleum Companies Association ang DOE dahil taliwas daw sa dereguladong oil industry ng bansa ang pamumuna ng kagawaran.
Ayon sa grupo, may aasahan talagang hindi pagtutugma sa presyo ng internnational market at mga langis na naangkat na sa bansa.
Ikinabahala ng DOE na maabuso ang pagiging deregulated ng industriya, kaya nais ngayon ng ahensya na amiyendahan ang batas hinggil dito.
Binigyan lamang ng DOE ng hanggang Lunes, October 7 ang 13 oil companies na binigyan ng show cause order kaugnay ng umano’y miscalculation sa rollback ng presyo ng langis.
