Halos P13M halaga ng hinihinalang shabu, nakumpiska ng mga otoridad sa isinagawang operasyon sa bayan ng Minglanilla Cebu

Aabot sa halos dalawang kilo ng hinihinalang shabu ang nakumpiska sa isinagawang buybust operation ng mga sakop ng Station Drug Enforcement Unit, Linggo ng gabi sa Brgy Tungkil, bayan ng Minglanilla Cebu.

Kinilala ang naaresto na si Eric Lapeña alyas Ekoy, 39 anyos at residente ng Sitio Mutra Brgy. Tisa nitong lungsod ng Cebu.

Nakumpiska mula kay Ekoy ang 1.875 na kilo ng hinihinalang shabu na tinatayang nagkakahalaga ng aabot sa P12, 750,000.00 pesos.

Nasa kustodiya na ngayon ng Minglanilla Police station ang suspek at nahaharap sa kasong paglabag sa Republic Act 9165 o Comprehensive Dangerous Drugs Act of 2002.