Halos 50 piloto mula Phl, sasali sa 3rd Transtec Kwad Int’l Night Race Event

BUTUAN CITY – Aabot sa kabuuang 42 piloto mula sa Pilipinas ang sasali sa 3rd Transtec Kwad International Night Race Event.

Gagawin ito sa darating na Agosto 10 at 11 sa Luna Race Track sa bayan ng San Jose sa Dinagat Islands.

Maliban sa Pilipinas, 20 naman ang lalahok mula sa Hong Kong, Taiwan, Korea at China.

Ang naturang drone racing ay highlight sa darating na henerasyon na susuportahan naman ng isang racing company.

Inaasahang sa opening program pa lamang ay makikita na ng mga dayuhang bisita ang ganda ng Dinagat Islands.