-- Advertisements --
Nagpakitang gilas ang Filipino-American basketball player na si Jordan Clarkson sa panalo kanina ng Utah Jazz nang pahiyain nila ang Minnesota Timberwolves.
Nagpasok ang Gilas Pilipinas player ng 29 points, five rebounds at six assist para tuluyan silang manalo sa iskor na 132-126.
Samantala, nasayang naman ang diskarte ng isang pang Filipino-American na si Jalen Green sa Houston Rockets nang matalo sila ng koponang Memphis Grizzlies sa iskor na 129-122.
Nagbuhos ang high flying Fil-Am na si Green ng 33 points, five rebounds at two assists, ngunit minalas pa rin dahil ito na ang kanilang ikalawang pagkatalo. (with reports from Bombo Allaiza Eclarinal)
