Patuloy na bumubuhos ang mga endorsement para sa speakership ni Majority Leader at Leyte 1st district Rep. Martin Romualdez.
Inendorso ng Party-list Coalition Foundation, Inc. (PCFI) si Romualdez para sa pagiging speaker sa darating na 19th Congress.
Ginawa ito ng mga miyembro ng PCFI sa isang pagtitipon ng grupo sa Makati City.
Present sa event kasama ang party-list solons ay ang protege ni Romualdez na si Ilocos Norte 1st district Rep. Sandro Marcos.
Si Rep. Marcos ay ang panganay na anak ng presumptive president na si Bongbong Marcos, na pinsan ng Leyte lawmaker.
Ayon sa mga mambabatas ng PCFI, si Romualdez, ang Lakas-Christian Muslim Democrats (Lakas-CMD) president, ang makakasagot sa panawagan ng bansa para sa mga batas at patakaran na tutulong sa pagbangon ng ekonomiya, at sa huli, sa pagpapabuti ng ang bansa.
Samantala, inihayag din ng mga miyembro ng PCFI noong Sabado na pinili nila si Ako Bicol party-list Rep. Elizaldy Co bilang susunod na pangulo.
Si Deputy Speaker at 1-Pacman Party-list Rep. Mikee Romero ang nanunungkulan na presidente ng PCFI, na siyang pinakamalaki at kabilang sa mas maimpluwensyang political bloc sa House of Representatives sa 18th Congress.
Nagbigay din ng kaniyang pahayag si Ilocos Norte 1st district Rep. Sandro Marcos kung saan kinilala nito si Romualdez bilang Speaker ng House of Representatives.
Aniya, bilang neophyte sa Kongreso umaasa siyang marami pa siyang matutunan.
Hinikayat din nito ang lahat na tulungan at suportahan ang administrasyon ng kaniyang ama.
