Tiniyak ng National Economic Development Authority (NEDA) na kasama sa kanilang binubuong recovery program mula sa COVID-19 crisis ang ipinarating na mga concerns at feedbacks ng mga consumers, maliliit na negosyante at magsasaka.
Sinabi ni NEDA chief Karl Kendrick Chua, nagsagawa sila ng survey kung saan nasa 44,000 Micro Small Medium Enterprises (MSMEs) ang tumugon at nagsabing kailangan nila ng tulong sa pamamagitan ng deferred payment schemes para sa taxes, rentals at utilities; gayundin mabigyan ng tax discounts, credits; at mababang interest na loans.
Ayon kay Sec. Chua, patuloy silang nakikinig sa mga mamamayan at negosyo sa pamamagitan ng mga surveys at isinasama nila ito sa policy-making para kaukulang aksyon sa pagbangon sa epekto ng COVID crisis.
Kaya ang binabalangkas umano nilang recovery program sa Kongreso ay layuning mapataas ang kumpiyansa, maiangat ang consumer demand at madagdagan ang liquidity o perang papaikutin ng mga negosyo.
Prayoridad umano dito ang healthcare sector, buong food value chain at simulan ang “Build, Build, Build” program na may pinakamalaking impact sa lahat.
Nakapaloob din umano sa recovery program ang kumbinasyon ng liquidity infusion o pagbuhos ng cash sa banking sector para mas marami silang maipahiram sa mga negosyo na may mababang interest rate, credit guarantees ng gobyerno sa mas mababang risks, wholesale lending ng GFIs para matulungan ang mga maliliit na bangko na siyang tumutulong naman sa mga informal sector at ang targeted and conditional equity contribution sa mga estrategic enterprises.
“As domestic demand increase, we will be able to help firms recover more sustainably. Our recovery program also includes a combination of liquidity infusion to the banking sector so that they can lend more to firms at lower interest rate, credit guarantees by the government to lower risks, wholesale lending by GFIs to help small banks and microfinance help the informal sector, and targeted and conditional equity contribution to strategic enterprises,” ani Sec. Chua.
