Pinabulaanan ni Coco Martin ang kumakalat na tsismis na hiwalay na umano siya sa kanyang longtime talent manager na si Biboy Arboleda dahil sa isyu sa pera.
Sa muling pagbubukas at digital launch ng isang fast food chain sa Iloilo City nitong Agosto 31, mismong si Coco ang nagsabi na walang katotohanan ang balita.
“Hay nako. Tsismis lang ‘yan. Walang nagbago. Mahal na mahal ko ’yon,” ani Coco sa isang panayam.
Nag-ugat ang espekulasyon matapos mapansin ng ilang netizens na hindi na naka-follow si Coco sa kanyang manager sa Instagram.
Kabilang si Coco Martin sa mga top talents na hawak ni Arboleda, kasama sina Judy Ann Santos, Jodi Sta. Maria, Cherry Pie Picache, Rodrick Paulate, Amy Perez, at Maricel Soriano.
Samantala, nagbigay rin ng pahayag si Coco tungkol sa pagiging co-producer na ng kanyang real-life partner na si Julia Montes sa kanyang long-run teleserye.
Opisyal ngang naging bahagi si Julia ng production team para sa ika-650th episode ng nasabing serye.
Una rito, sina Coco at Julia Montes ay nasa mahigit 12 taon nang nagsasama, at kung maaalala na kinumpirma lamang ito ng aktor sa publiko noong Mayo 2023.
