Caloocan Mayor Oscar Malapitan, nagpositibo sa COVID-19

Kinumpirma mismo ni Caloocan Mayor Oscar Malapitan na nagpositibo ito sa Coronavirus disease 2019 (COVID-19).

Sa kanyang official Facebook page, sinabi ni Malapitan na maayos naman ang kanyang kalagayan at patuloy na itong nagpapagaling.

Hinikayat naman ni Malapitan ang lahat ng kanyang mga closed contacts na mag-self quarantine at magpa-swab test.

Siniguro naman ng alkalde na patuloy pa rin nitong gagampanan ang kanyang trabaho kahit positibo ito sa nakamamatay na sakit.