Nagtalaga ngayon ang Bureau of Jail Management and Penology (BJMP) ng bagong tagapagsalita.
Ito ay sa katauhan ni Jail Chief Inspector Jayrex Joseph Bustinera na na-appoint bilang bagong Bureau of Jail Management and Penology spokesperson.
Papalitan nito si Jail Superintendent Xavier Solda na nadestino naman sa Bureau of Jail Management and Penology Region 9.
Bago ang kanyang appointment bilang spokesperson, naging head si Bustinera ng Community Relations Service Office ng Bureau of Jail Management and Penology national headquarters at chief of staff ng Center for Jail Excellence and Strategy Management.
Natanggap nito ang kanyang degree sa Public Safety mula sa Philippine National Police Academy Class of 2008 at Master sa Development Management sa Asian Institute of Management noong 2016.
Ang kanyang huling assignment ay bilang Warden ng Marikina City Jail-Male Dormitory.
Naging pioneer ito ng “Barangayanihan Initiative” na isang Bureau of Jail Management and Penology community-based aftercare program para sa mga persons deprived of liberty and their families.
