Nanalasa sa Iloilo City ang isang buhawi, na nagdulot naman ng pinsala sa ilang establisyemento ng naturang lugar.
Ayon kay Charles Vincent Samodio ng City Disaster Risk Reduction and Management Office (CDRRMO), alas 11 ng umaga nang dumaan ang buhawi sa dalawang barangay ng lungsod partikular sa Buntatala at sa Tagbak sa distrito ng Jaro.
Tinamaan ng mga debris mula sa napinsalang mga establisyimento ang isang 33 gulang na lalaki na nagtamo ng mga sugat.
Ilan sa mga natamaan ng buhawi ay isang tindahan at ilang mga estasblisyimento sa Tagbak, Jaro.
Samantala, wala namang naitalang pinsala sa mga residential houses.
Babala ng City Disaster Risk Reduction and Management Office, sa tuwing may mamamataang buhawi ay manatili sa loob ng kanilang mga bahay at iwasang lumabas sa mga open spaces.
