LAOAG CITY – Kinumpirma ni Dr. Loida Valenzuela, ang Provincial Veterinarian na mayroon ng kaso ng African Swine Fever (ASF) ang Ilocos Norte partikular sa Barangay Maananteng sa bayan ng Solsona.
Ito ay matapos na lumabas ang limang resulta ng eksaminasyon sa mga nakuhaan ng sample na baboy.
Ayon kay Valenzuela, matapos na nakuhanan ng sample ang mga baboy ay agad na-dispose bilang pag-iwas sa posibleng pagkalat ng sakit.
Sinabi nito na ang bayan lamang ng Solsona ang nakared zone partikular ang Barangay Manalpac at Maananteng.
Nabatid na ang pagsubok umano sa kanila ay may mga ilang residente ang hindi nagbibigay ng tamang impormasyon hinggil sa kanilang alagang baboy.
Inihayag nito na aabot sa mahigit 100 ang mga baboy ay pinatay o kinuryente ang mga ito at naihukay.
Samantala, sinigurado ni Valenzuela na puwede pa ring mailabas ang mga baboy na galling sa hindi apektadong barangay sa nasabing bayan ngunit nakadepende pa rin sa mga ibang Local Government Unit kung tatanggapin nila mga ito.
